• Овог нэр: Р.Ганхуяг

    Төрсөн: Төв аймаг Баянзүрх сум Хайрхан газар нутаг

    Гавъяа шагнал, цол зэрэг: Монгол улсын манлай уяач, Засгийн газрын жуух бичгээр шагнагдсан.

    Одоо хаана юу хийж байгаа: Төв аймгийн Сэргэлэн суманд малчин

    Хэдэн оноос эхэлж морь уяж эхэлсэн: 1975 оноос эхэлж Налайх дүүргийн уяач хурдан морьт Хөхөө гэдэг хүнийг дагаж морь  уяж эхэлсэн.
    Анхны айраг түрүү авсан, наадам, морь: Сумын наадамд морь айрагдуулж түрүүлүүлсэн.
    Хамгийн сайн давхисан, алдаршсан хурдан морьдын цол , нэр, хоч, амжилт:“Бундан хонгор” азарга улсын их баяр наадамд даага шүдлэндээ айрагдсан. Түүний эх тал нь Дулаан Дамдинжав, эцэг  нь Дорнойн Сундуйн бага цоохор азарга юм. Энэ азарганд Төв аймгийн Жаргалант, Хэнтий аймгийн Цэнхэрмандал сумын Сандагдоржийн хурдан хар азарганы угшилтай гүүнүүд хураалгасан. 
    Гаргасан амжилт: Улс бүсийн  наадмаас 7 түрүү, 8 айраг авсан.
    Унаган адуу: Төв аймгийн Баян, Баянжаргалан, Сэргэлэн сумдын их уяач алдарт хүлгүүд болох Шийтэрийн зээрд азарга,  Дулаан Дамдинжавын хонгор азарга, Дорнойн Сундуйн хүрэн азарганы хурдан угшилтай адуутай. Төв аймгийн Баян сумын Шийтэрийн алдарт зээрд азарганы төл цавьдар азарга улсын наадамд даага 3-т, аймаг сумдын наадамд айраг түрүүнд давхиж байсан. Сэргэлэн сумын Дорнойн Сундуйн бага буурал азарганы төл буурал азаргыг Д.Онон хавчиг соёолон настай надад өгч байсан. Түүнээс олон хурд гарсан. Тухайлбал улсын наадамд тод манлай уяач Ц.Аюуш хонгор даага түрүүлүүлсэн. Жигжидсүрэн буурал азаргаа хязаалан айрагдуулж байсан. Миний нэг цагаан буурал үрээ шүдлэн айрагдаж байсан. А.Монхорын хонгор азарга улсад айрагдсан. Тэр шүдлэндээ бас аман хүзүүлж байсан. Цэргийн дүрэмт хувцасны “Бөртэ” ХХК-ийн Батсайханы цоохор азарга бага насандаа улсын наадамд айрагдаж байлаа. Миний будан хонгор азарганы эцэг нь буурал азарга бөгөөд эх нь Дулаан адуу, Шийтэрийн адуу нийлсэн гүү байсан юм. Буурал азарга ид хурдалж байхдаа алдагдсан. Одоо Дорноговь аймгийн Иххэт сумын Бямбацогтоос авсан сод буурал азаргандаа Дулаан талын гүүнүүд хураалгаад байна.
    Цуглуулсан адуу: Сүхбаатар аймгийн Асгат сум, Дорноговь аймгийн Алтан ширээ сумдаас хурдан угшилтай адуу авсан.
    Сэтгэлд хоногшсон дурсамж: 2001 оны улсын их баяр наадмаас 2 айраг авсан минь сайхан байдаг.